بحبك يارب علشان مليش غبرك يسمعنى لما اكون فى ضيقه وبصرخ من الالم
بحبك يارب علشان مفيش حد بيقبل يحضنى وانا نتن الرائحه مدنس وملوث برائحه الخنازير
بحبك يارب لانك الوحيد اللى كاشف حقيقتى وعارف ضعفاتى وبتقبلنى زى ماانا مع انك الوحيد اللى لازم ترفضنى
بحبك يارب لان كثيرين بيغدروا بيا وبيخنوننى وبيبعونى وانت الوحيد اللى ثابت فى حبك ليا وامين دايما معايا وان غير امين فى طاعتى وحبى ليك
بحبك يارب لانه برغم مايحدث فى العالم الان من حروب وزالازل وبراكين واخطار الا انك حافظنى ومباركنى وعينك عليا وعلى اهلى واحبائى وعلى كنيستى
بحبك يارب لانى انا الذى انزلتك من مجدك وسماك علشان تموت عنى وبدلا منى وانا غافل عن خلاصى وابديتى وانت تعمل الليل والنهار لاجل خلاصى وابديتى
بحبك يارب لانك الوحيد الذى يحبنى والوحيد الذى لايتخلى عنى والوحيد الذى يريد دائما ان يعطينى الوحيد الذى انام وانا مطمئن على صدره الحنون بحبك يارب
موضوع: بحبك يارب 
الثلاثاء 21 يونيو 2011, 11:44 pm
